Amigos caros
• Occ’annu, su Comitadu de sa festa de Seunis, ha pensadu de bos ammanizzare una «tola» in sos sitos (giassos ?) internet de sa ‘idda e at dimandadu a mie de ‘etta a pare duas paginas de istoria thiesina.
Si lu podimus fagher, est grazie a su bonu coro de sos sitos thiesinos:
Nurighe,
Thiesionline,
Jannas e
Nostrasegnora,
semus inoghe prontos a nos cunfrontare.
• Mi auguro chi puro ‘ois bos ponzedas de bona volontade e chi eppedas piaghere de ispedire puntualizzaziones e ateras notiscias subra de cussu chi leggides e puru cosas noas; nois semus cuntentos de la fagher bider a sos ateros. In pagas paraulas custu ada a-essere su nostru
«puntu de incontru thiesinu»
inue amus a tentare de mandare ainnanti su chi amus progettadu in sa littera de su deghe de aprile de su duamizza e tres, chi azis rezidu calchi mese a poi ca in mesu bi fint sas festas de Pasca, de su 25 aprile e de su primmu ‘e maiu, chi si sun ligadas a pare.
• Po chie est bintradu in custu “giassu” po casu e po mantenner frisca sa memoria de sos ateros, bos ponimus sa copia de
sa littera chi azis rezidu.